Консулын газраас дахин сэрэмжлүүлэв

Монголын мэдээ | ГХЯ-ны мэдээ
192@montsame.mn
2019-09-07 12:50:03

Улаанбаатар /МОНЦАМЭ/. Хонгконгод өрнөж буй эсэргүүцлийн хөдөлгөөн намжихгүй байгаатай холбоотойгоор ГХЯ-ны консулын газраас дахин сэрэмжлүүлэг гаргажээ.

БНХАУ-ын засаг захиргааны онцгой бүс Хонконгод энэ оны зургаадугаар сараас эхлэн өрнөж буй эсэргүүцлийн хөдөлгөөн намжихгүй байгаа бөгөөд олон нийтийн сүлжээн дэх мэдээллүүдээс үзэхэд ирэх өдрүүдэд дараах газруудад эсэргүүцлийн үйл ажиллагаа зохион байгуулагдаж болзошгүй байна. Үүнд:

  • 9 дүгээр сарын 7 Хонконгийн олон улсын нисэх буудал,
  • 9 дүгээр сарын 8 Central-Edinburgh, АНУ-ын ЕКГ,
  • 9 дүгээр сарын 9 Choi Yuen Estate Theatre, Sheung Shui,
  • 9 дүгээр сарын 10 Hong Kong стадион, Causeway Bay,
  • 9 дүгээр сарын 13 Lion Rock Hill, Kowloon Tong, Tai Wai,
  • 9 дүгээр сарын 14 Tin Sau Road, Tin Shui Wai метроны зогсоол,
  • 9 дүгээр сарын 16 Revenue Tower, Wan Chai

Эсэргүүцлийн хөдөлгөөнд оролцогчид сүүлийн үед эрс ширүүсэж молотовын коктейль, мод, төмөр, тоосго, чулуу, чавх болон хурц иртэй зүйлс, хийн буугаар зэвсэглэн Хонгконгийн засгийн байгууллагуудын барилга, метроны буудал, гудамж, замыг эвдэн сүйтгэж, цагдаа нартай мөргөлдөх болсон. Иймд иргэд Та бүхэн Хонконгод зорчихдоо сонор сэрэмжтэй байх, дээр дурдсан газруудад зорчихгүй байхыг ГХЯ-ны Консулын газраас зөвлөж байна гэжээ. 

Холбоотой мэдээ