Х.Баделхан: Тусгай зөвшөөрөл олгох үйл ажиллагаа сайжирч байна

Монголын мэдээ | Эдийн Засаг
192@montsame.mn
2019-09-06 09:18:41

Улаанбаатар /МОНЦАМЭ/. БХБ-ын сайд Х.Баделхан “Монголын барилгын үндэсний ассоциаци” ТББ-ын ажилтай өчигдөр танилцлаа.

Тус ТББ нь барилгын тусгай зөвшөөрлийн үйл ажиллагааг гэрээний үндсэн дээр гүйцэтгэж байгаа юм. Тодруулбал, барилга байгууламжийн тусгай зөвшөөрлийг олгохоос гадна инженер техникийн ажилтнуудыг давтан сургах, мэргэшлийн зэрэг дэв олгох зэрэг төрийн чиг үүргийг гүйцэтгэж байна.

Сайд Х.Баделхан хэлэхдээ “Барилгын тусгай зөвшөөрөл олгох үйл ажиллагаанд хяналт шинжилгээ, үнэлгээний байгууллагаас гаргасан дүнгээс харахад төрийн байгууллагын хүнд суртал арилж, шат дамжлага багасаж, иргэн, ААН байгууллагад түргэн шуурхай үйлчлэх байдал сайжирч, тусгай зөвшөөрөл олгох үйл ажиллагааг шуурхай шийдвэрлэн, хариу өгдөг болсон зэрэг таатай үр дүн харагдаж байна” гэв.


Барилга байгууламжийн зураг төсөл боловсруулах, барилгын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээг эрхлэх хуулийн этгээдэд тусгай зөвшөөрөл олгох үйл ажиллагааг энэ оны дөрөвдүгээр сараас эхлэн цахим хэлбэрээр зохион байгуулан ажиллаж байна. Одоогийн байдлаар Барилга, хот байгуулалтын салбарын хэмжээнд нийт 6947 тусгай зөвшөөрөлтэй ААН, байгууллага үйл ажиллагаа эрхэлж байна.

Холбоотой мэдээ