Улаанбаатар
Увс лигийн 2019 оны аваргууд тодорлоо
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Сагсан бөмбөгийн холбооноос зохион байгуулсан Увс лигийн 2019 оны аварга шалгаруулах тэмцээн 6 сарын турш үргэлжилж, энэ сарын 2-нд дүнгээ гаргалаа. Лигийн аварга шалгаруулах тэмцээнд нийтдээ найман баг өрсөлдсөнөөс Б.Намхай ахлагчтай “Хар тарвагатай” ХК-ийн “Алтан шонхор” баг тэргүүн байр эзэлсэн юм.
Харин Н.Баатархүү
ахлагчтай “Ундарга-Увс” ХХК-ийн “Ундарга” баг хоёрдугаар байр, Я.Сумъяабазар ахлагчтай ББЭХС ТӨХК-ийн
“Western warriors” баг гуравдугаар байр тус тус эзэллээ. Лигийн “Үнэ цэнтэй тоглогч”-оор “Western warriors”
багийн төвийн тоглогч, сагсан бөмбөгийн Спортын мастер Ц.Баянмөнх шалгарсан бол “Финалын шатны үнэ цэнтэй тоглогч”-оор Спортын мастер Я.Бат-Орших тодорлоо.
