УИХ дахь намын бүлгүүд хуралдана
МОНГОЛЫН МЭДЭЭ | УЛС ТӨРУлаанбаатар /МОНЦАМЭ/. УИХ дахь МАН болон АН-ын бүлэг өнөөдөр Төрийн ордонд хуралдаж, энэ долоо хоногт чуулганы нэгдсэн хуралдаанаар хэлэлцэх хууль, тогтоолын төслүүдийн талаар баримтлах байр сууриа нэгтгэнэ.
УИХ-ын даргын дэргэдэх Зөвлөлийн баталснаар энэ долоо хоногийн чуулганы
нэгдсэн хуралдаанаар 31 хууль, тогтоолын төсөл хэлэлцэнэ. Тухайлбал,
Ерөнхийлөгчийн өргөн мэдүүлсэн УИХ-ын тухай, УИХ-ын дэгийн тухай хуулийн төсөл
болон ЗТХ-ийн сайд, БСШУС-ын сайдыг огцруулах, чөлөөлөх асуудал багтсан байна.
Мөн төрийн албаны тухай хуулийг хэрэгжүүлэхтэй холбоотой тогтоолын төслүүд,
Инновацийн тухай, Ашигт малтмалын тухай хуулийн төслийг хэлэлцэх юм.
УИХ-дахь намын бүлгүүд, байнгын хороо болон чуулганы нэгдсэн хуралдаанаар
хэлэлцэх асуудлын жагсаалтыг https://montsame.mn/mn/read/176964
холбоосоос үзэх боломжтой.