ОХУ-ын эсрэг авсан хориг арга хэмжээг хагас жилээр сунгажээ
ДЭЛХИЙН МЭДЭЭ | ЭДИЙН ЗАСАГМОСКВА. /АиФ/. Европын Холбооны /ЕХ/ гишүүн орны удирдагчид Брюссельд болсон дээд хэмжээний
уулзалтын үеэр ОХУ-ын эсрэг авсан хориг арга хэмжээг хагас жилээр сунгах шийдвэр
гаргажээ. Энэ тухай Европын Зөвлөлийн дарга Дональд Туск “Твиттер” хуудсаараа
дамжуулан мэдэгдсэн байна.
“Минскийн хэлэлцээрийн хэрэгжилтэд ахиц дэвшил гараагүйтэй холбогдуулан ОХУ-ын эсрэг авсан эдийн засгийн хориг арга хэмжээг сунгах шийдвэрийг ЕХ санал нэгтэй гаргав”
хэмээн тэрбээр тэмдэглэсэн байна.
ЕХ өнгөрсөн 7 дугаар сард ОХУ-ын эсрэг авсан эдийн засгийн хориг арга
хэмжээний хугацааг 6 сараар сунгаж, улмаар хориг арга хэмжээ ирэх оны 1
дүгээр сарын 31-нд дуусах байсан юм.
Франц болон Герман улс Минскийн хэлэлцээрийг хэрэгжүүлэх явцын тухай
илтгэлийг хагас жил тутамд ЕХ-ны удирдагчдад танилцуулдаг. Үүний дараа ЕХ хориг
арга хэмжээг сунгах тухай шийдвэрийг гаргадаг.