Мексикийн эргийн орчимд “Роса” хар салхи ширүүсч байна
ДЭЛХИЙН МЭДЭЭ | НИЙГЭММОСКВА. /РИА
Новости/. Номхон далайд, Мексикийн эргийн орчимд дэгдээд байгаа “Роса” хар салхи
4 дүгээр ангилал буюу аюултай түвшинд хүрч ширүүссэн тухай АНУ-ын Хар салхины аюулаас сэрэмжлүүлэх Үндэсний төв анхаарууллаа.
Цаг уурчдын
мэдээлснээр, уг хар салхи Мексик улсын Доод Калифорни мужийн өмнөд эргээс 975 км-ийн
зайд ирээд байна. Хар салхины төв дэх салхины хурд 230 км/цагт хүрсэн бөгөөд 10 дугаар сарын
1-ний өдөр эх газарт хүрэх аж. Гэхдээ энэ үед эрч нь суларч, халуун орны салхи болж
хувирах юм.
Саффир-Симпсоны шаталбараар, салхины хурд 120 км/цагаас дээш болсон үед хар салхийг 1 дүгээр ангилалд, 150 км/цагаас давсан үед 2 дугаар ангилалд, 180 км/цагаас дээш бол 3 дугаар ангилалд, 210 км/цагаас дээш бол 4 дүгээр ангилалд, 250 км/цагаас дээш бол 5 дугаар ангилалд тус тус оруулдаг байна.
Э.Аянзаяа