Улаанбаатар
УУХҮ-ийн сайд Д.Сумьяабазар “Роснефть”-ийн захирал И.И.Сечинтэй уулзана
МОНГОЛЫН МЭДЭЭ | ЭДИЙН ЗАСАГУлаанбаатар /МОНЦАМЭ/. Уул уурхай, хүнд
үйлдвэрийн сайд Д.Сумъяабазар тэргүүтэй төлөөлөгчид ОХУ-ын Москва хотод ажиллаж
байна.
Есдүгээр сарын 11-13-ны өдрүүдэд ОХУ-ын Владивосток хотод
зохион байгуулсан Дорнын эдийн засгийн IV уулзалтад Монгол Улсын Ерөнхийлөгч
Х.Баттулга оролцож, хийн хоолойг Монгол Улсын нутаг дэвсгэрээр дамжуулах, төмөр
замын шинэчлэл, ХАА-н хамтын ажиллагаа зэрэг олон чухал асуудлыг хөрш орнуудын
төрийн тэргүүнүүдтэй хэлэлцсэн билээ.
Мөн энэ үеэр Монголын
төлөөлөгчид ОХУ-ын Аж үйлдвэр, худалдааны сайд Д.В.Мантуров, Байгалийн нөөц, экологийн
сайд Д.Н.Кобылкин, “Роснефть” компанийн Ерөнхий захирал И.И.Сечин болон бусад
төлөөлөгчидтэй уулзаж, геологи, уул уурхай, газрын тосны салбарын хамтын
ажиллагаагаа цаашид өргөжүүлэх талаар санал солилцсон. УУХҮ-ийн сайдын энэ удаагийн албан айлчлалаар дээрх уулзалтуудын үеэр хоёр
талаас ярьсан зарим саналыг нарийвчлан ярилцах, бодит ажил хэрэг болгоход
чиглэсэн ажлуудыг төлөвлөх, газрын тосны бүтээгдэхүүний ханган нийлүүлэлтийн
асуудлыг хэлэлцэх юм байна.
Б.Болд
