Хэрлэн, Улз голын ус бохирдолттой байгааг тогтоожээ

Орон нутагт | Дорнод
167@montsame.mn
2018-09-19 10:50:39

Дорнод /МОНЦАМЭ/.  Дорнод аймгийн УЦУОШU-аас голуудын усны химийн найрлага, чанарын үзүүлэлтэд судалгаа хийхэд Хэрлэн, Улз голын ус бохирдсон байгааг тогтоожээ. Тухайлбал, Хэрлэн голын дөрвөн цэгээс дээж авч, лабораторид шинжлэхэд нитритийн ион, аммони ион хүлцэх агууламжаас давсан, Улз голын усан дахь фторын агууламж өндөр гарсан аж.

Харин Халх гол, Буйр нуурын ус цэвэр, хүлцэх агууламжаас давсан зүйл ажиглагдаагүй гэж мэдээлэв. Халх голын ус дахь эрдэсжилт 145-289 мг/л, Буйр нуурынх 248 мг/л байгаа юм. Хэрлэн голын усны эрдэсжилт 274-326 мг/л, Улз голынх 388-698 мг/л буюу эрдэсжилт нь Буйр нуур, Халх голын уснаас даруй нэгээс дөрөв дахин их байна. 

Д.Дэлгэрмаа

Холбоотой мэдээ