АТГ-ын дарга, тэргүүн комиссар Н.Ганболд Элчин сайд У Сунтай уулзав

Монголын мэдээ | Хууль
batsaikhan@montsame.mn
2016-02-01 10:47:05

Авлигатай тэмцэх газрын дарга, тэргүүн комиссар Н.Ганболд БНСУ-аас Монгол Улсад суугаа Элчин сайдаар томилогдоод удаагүй байгаа У Сун-г энэ оны 1 дүгээр сарын 28-ны өдөр хүлээн авч уулзлаа. 

Уулзалтын эхэнд ноён У Сун БНСУ, Монгол Улсын харилцаа, хамтын ажиллагаа сүүлийн жилүүдэд эрчимтэй хөгжиж буйг тэмдэглээд Авлигатай тэмцэх газартай хамтран ажиллах хүсэл эрмэлзэл дүүрэн байгаагаа илэрхийлэв.  Авлигатай тэмцэх газрын дарга, тэргүүн комиссар Н.Ганболд БНСУ-ын Авлигын эсрэг, Иргэний эрхийн хороотой байгуулсан Санамж бичигт тулгуурлан туршлагаа харилцан солилцох, хоёр талын албан хаагчдаа сургах зэргээр хамтын ажиллагаагаа үр дүнтэй өргөжүүлж байгааг онцлон тэмдэглэв. 

Уулзалтын төгсгөлд БНСУ-аас Монгол Улсаад суугаа Элчин сайд У Сун цаашид хоёр орны найрсаг харилцааг өргөжүүлэх, авлигатай тэмцэх байгууллагуудын хамтын ажиллагааг гүнзгийрүүлэх асуудлаар дэмжлэг үзүүлж ажиллахаа мэдэгдлээ. 

Ж.Батсайхан

Холбоотой мэдээ