Ulaanbaatar
“Катюша” орос хэлний клуб нээгдлээ
ОРОН НУТГИЙН МЭДЭЭХэнтий аймгийн Засаг даргын санаачилгаар Хөдөлмөрийн яамны харъяа Хэнтий аймаг дахь Мэргэжил сургалт үйлдвэрлэлийн төвд “Катюша” орос хэлний клуб нээлээ.
Нээлтэд аймгийн Засаг дарга Ж.Оюунбаатар, Засаг даргын орлогч Ганхуяг, ЗДТГ-ын дарга М.Болд , Төрийн захиргаа удирдлагын хэлтсийн дарга Д.Ганболд, БСГ-ын дарга З.Бат-Эрдэнэ, ОХУ-ын Өвөр байгалийн хязгаарын Улаанбаатарт суугаа төлөөлөгч Евгения Цыбенова, ОХУ-ын Дорнод сибирийн технологи, удирдлагын их сургуулийн Улаанбаатар дахь салбарын захирал, Эдийн засгийн ухааны доктор, доцент Имидеева Ирина Владимировна, Дорнод аймгийн Чойбалсан хот дахь “ Матрёшка” клубын захирал Шабонова Ольга Николаевна, Найрамдлын нийгэмлэгүүдийн Монголын эвлэлийн дэд тэргүүн ОХУ / ЗХУ/ -д сургууль төгсөгчдийн холбооны дэд ерөнхийлөгч Монгол Улсын Гавьяат багш Д.Цогзолмаа, Орос, Монголын хамтын ажиллагааны агентлагийн Монгол дахь суурин төлөөлөгчийн газрын тэргүүлэх мэргэжилтэн, шинжээч Масан Роман Павлович нар оролцов.
Аймгийн МСҮТ-ийн “Катюша” Орос хэлний клубын тэргүүнээр Орос хэлний багш Б. Оюунчимэгийг сонгож, хамтын ажиллагааны гэрээнд гарын үсэг зурлаа.
Энэ үеэр Орос, Монголын хамтын ажиллагааны агентлагийн Монгол Улс дахь төлөөлөгчийн газраас “ Катюша” Орос хэлний клубын үйл ажиллагааг дэмжиж, эхний удаад 461000 төгрөгийн ном, гарын авлагыг гардууллаа.
Мөн “Матрюшка”, “Катюша” клуб хамтран 2016 оны 3 дугаар сард Чита хотод хамтын ажиллагааны хуралд оролцохоор болсон юм. Түүнчлэн ЕБС-ийн 12 дугаар анги төгсөгчдийг ОХУ-д тэтгэлгээр сургах ажлыг жил, жилийн төлөвлөгөөний дагуу хэрэгжүүлэх аж.
О.Буянхишиг
