Ulaanbaatar
Дарханаас ирж хулгай хийгээд буцдаг бүлэг этгээдийг баривчиллаа
МОНГОЛЫН МЭДЭЭ | ХУУЛЬЦагдаагийн эргүүл, шуурхай ажиллагааны үр дүнд нийслэлд шөнө ирж хулгай хийгээд өглөө буцдаг бүлэг хулгайчдыг баривчилсан байна.
Өнгөрөгч шөнийн 05:30 цагийн үед Баянгол дүүргийн дөрөвдүгээр хорооны нутагт байрлах "Голдон парк" хотхоны гадна байсан автомашины гурвалжин шилийг хагалж хулгайлах гэж байхад нь үйлдэл дээр нь дээрх бүлгийнхнийг баривчилжээ. Баянгол дүүргийн цагдаагийн хэлтсээс эрүүгийн хэрэг үүсгэн шалгаж байна. 18-25 насны Т, Б, А, О нар шөнийн цагаар хотод ирж хулгай хийгээд өглөөдөө Дархан руу буцдаг гэдгээ мөрдөн байцаалтын үеэр мэдүүлэв.
Ж.Батсайхан
