Ulaanbaatar
Хотын удирдлагууд ахмадууддаа хүндэтгэл үзүүллээ
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Сар шинийн баярыг тохиолдуулан өнөөдөр НИТХ, НЗДТГ-аас ахмадуудаа хүлээн авч, хүндэтгэл үзүүллээ.
Энэ үеэр НИТХ-ын дарга С.Амарсайхан, Нийслэлийн Засаг дарга С.Батболд ахмад настан Д.Мэндсайхан, Х.Сүрэнхүү, Ж.Батсамбуу нарт Ахмадын зөвлөлийн гарын бэлгийг гардуулав.
Хүндэтгэл үзүүлэх ёслолын үеэр Хотын дарга хэлсэн үгэндээ “Нийслэлийн Засаг даргын Тамгын газрын Ахмадын зөвлөлөөс гаргасан санал хүсэлтийг судлан та бүхний эрүүл урт удаан наслах, хөдөлгөөний дутагдлаас сэргийлэх, өөр хоорондоо мэдээлэл солилцох боломжийг бүрдүүлэн ажиллаж байгааг хэлэхэд таатай байна. Элэг бүтэн Монгол хөтөлбөрийн хүрээнд өрхийн эмнэлэгтээ B,C вирусын шинжилгээнд та бүхэн үнэ төлбөргүй хамрагдаж байгаа бөгөөд цаашид энэхүү шинжилгээ нь үе шаттай хэрэгжинэ. Өнгөрсөн оны арваннэгдүгээр сард та бүхнийг ЧД-ийн эрүүл мэндийн төвтэй хамтран хавдрын болон дүүргийн нарийн мэргэжлийн эмч нарын хамтарсан эрүүл мэндийн үзлэгт хамруулан ахмадууд та нарынхаа эрүүл мэндэд анхаарч ажилласныг дурдахад таатай байна. Цаашид та бүхнээс гаргасан санал санаачлагыг дэмжин ажиллана. Ахмадууд та бүхэн минь үнэтэй санал, санаачилга гаргаж, дэмжлэг туслалцаа үзүүлж, хамтран ажиллана гэдэгт бүрэн итгэлтэй байна” хэмээн онцолж байв.
Мөн энэ үеэр НЗДТГ-ын ахмадын зөвлөлөөс НЗДТГ-ын дарга М.Отгонбаярт ахмадын төлөө хийсэн үйлсийг нь үнэлэн "Бидний төлөө" цомоор шагнав
Энэ үеэр НИТХ-ын дарга С.Амарсайхан, Нийслэлийн Засаг дарга С.Батболд ахмад настан Д.Мэндсайхан, Х.Сүрэнхүү, Ж.Батсамбуу нарт Ахмадын зөвлөлийн гарын бэлгийг гардуулав.
Хүндэтгэл үзүүлэх ёслолын үеэр Хотын дарга хэлсэн үгэндээ “Нийслэлийн Засаг даргын Тамгын газрын Ахмадын зөвлөлөөс гаргасан санал хүсэлтийг судлан та бүхний эрүүл урт удаан наслах, хөдөлгөөний дутагдлаас сэргийлэх, өөр хоорондоо мэдээлэл солилцох боломжийг бүрдүүлэн ажиллаж байгааг хэлэхэд таатай байна. Элэг бүтэн Монгол хөтөлбөрийн хүрээнд өрхийн эмнэлэгтээ B,C вирусын шинжилгээнд та бүхэн үнэ төлбөргүй хамрагдаж байгаа бөгөөд цаашид энэхүү шинжилгээ нь үе шаттай хэрэгжинэ. Өнгөрсөн оны арваннэгдүгээр сард та бүхнийг ЧД-ийн эрүүл мэндийн төвтэй хамтран хавдрын болон дүүргийн нарийн мэргэжлийн эмч нарын хамтарсан эрүүл мэндийн үзлэгт хамруулан ахмадууд та нарынхаа эрүүл мэндэд анхаарч ажилласныг дурдахад таатай байна. Цаашид та бүхнээс гаргасан санал санаачлагыг дэмжин ажиллана. Ахмадууд та бүхэн минь үнэтэй санал, санаачилга гаргаж, дэмжлэг туслалцаа үзүүлж, хамтран ажиллана гэдэгт бүрэн итгэлтэй байна” хэмээн онцолж байв.
Мөн энэ үеэр НЗДТГ-ын ахмадын зөвлөлөөс НЗДТГ-ын дарга М.Отгонбаярт ахмадын төлөө хийсэн үйлсийг нь үнэлэн "Бидний төлөө" цомоор шагнав
Ч.Ариунболд
