“Оюутны өөрөө удирдах төв”-ийн анхдугаар чуулган болно
МОНГОЛЫН МЭДЭЭ | БОЛОВСРОЛОюутнуудын нийгмийн идэвх оролцоог нэмэгдүүлэх зорилгоор МЗХ дэргэдээ “Оюутны өөрөө удирдах төв”-ийг байгуулахаар боллоо.
Тус холбооноос 2017 оныг “Залуусаа нэмье” уриан дор бүхий л үйл ажиллагаагаа зохион байгуулж байна. Энэ ажлын хүрээнд “Оролцоогоо нэмье” уриан дор “Оюутны анхдугаар чуулга уулзалт”-ыг ирэх сарын 10-нд МЗХ-ны “Залуус” танхимд хийнэ.
Энэхүү чуулга уулзалтаар “Оюутны өөрөө удирдах төв”-ийн бүтцийг байгуулах, үйл ажиллагааны төлөвлөгөө боловсруулах зэрэг асуудлыг хэлэлцэж, шийдвэрлэх юм.
Уг чуулга уулзалтад их дээд сургууль, Мэргэжлийн сургалт үйлдвэрлэлийн төв /МСҮТ/, коллежийн оюутнууд хамрах боломжтой. Иймээс өөрийгөө хөгжүүлэх, оюутнуудын нийгмийн оролцоог нэмэгдүүлэх үйл ажиллагаанд оролцох хүсэлтэй залуусыг ирэх сарын 08-ныг хүртэл бүртгэж байна.
Ж.Болор