Улаанбаатар
Малчнаар ажиллаж байсныг тодорхойлох зөвлөл сумдад ажиллаж байна
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Нийгмийн даатгалын хэлтсээс “Даатгуулагчийн малчнаар ажиллаж, нийгмийн даатгалын шимтгэл төлсөн хугацааг тодорхойлох зөвлөл”-ийг сумдад 7-11 хүний бүрэлдэхүүнтэйгээр байгуулан, сургалт мэдээлэл хийж, мэргэжил арга зүйгээр хангаж ажиллаж байна. Энэхүү зөвлөл нь даатгуулагчийн малчнаар ажиллаж нийгмийн даатгалын шимтгэл төлсөн хугацааг тодорхойлох үүрэг бүхий зөвлөл юм.
Зөвлөлийн гишүүд мал тооллогын “А” данс нь үрэгдсэн малчдын 1995 оноос хойшхи тухайн сум, багт мал маллаж байсан хугацааг нотлох үндэслэл бүхий баримт бичигт тулгуурлан тогтоол гаргаж, баталгаажуулан ажиллаж байна. Он гарсаар энэ хуулийн үйлчлэлээр аймгийн хэмжээнд эмэгтэй 25, эрэгтэй 136 хүн өндөр насны тэтгэврээ тогтоолгожээ. 1995 оноос хойшхи малчдын малчнаар ажилласныг баталгаажуулах жил бүрийн мал тооллогын А данс болон холбогдох баримт үрэгдснээс болж малчдын тэтгэврийг тогтооход багагүй бэрхшээл үүсээд байсныг ийнхүү шийдвэрлэлээ.
Зөвлөлийн гишүүд мал тооллогын “А” данс нь үрэгдсэн малчдын 1995 оноос хойшхи тухайн сум, багт мал маллаж байсан хугацааг нотлох үндэслэл бүхий баримт бичигт тулгуурлан тогтоол гаргаж, баталгаажуулан ажиллаж байна. Он гарсаар энэ хуулийн үйлчлэлээр аймгийн хэмжээнд эмэгтэй 25, эрэгтэй 136 хүн өндөр насны тэтгэврээ тогтоолгожээ. 1995 оноос хойшхи малчдын малчнаар ажилласныг баталгаажуулах жил бүрийн мал тооллогын А данс болон холбогдох баримт үрэгдснээс болж малчдын тэтгэврийг тогтооход багагүй бэрхшээл үүсээд байсныг ийнхүү шийдвэрлэлээ.
Б.Батхүү
