Ховдын малчид ямаагаа самнаж эхлээгүй байна

byambasuren@montsame.mn

2018-04-10 18:24:26

Ховд/МОНЦАМЭ/ Энэ хавар үе үе хүчтэй хүйтэн салхи шуурч, мал тарга тэвээрэг муутай, нялх ногоо хэнзлээгүй байгаа учраас Ховдын малчид ямаагаа бараг самнаж эхлээгүй байна.

Гэхдээ энэ жилийн хавар ноолуур нэг кг нь 70,0 мянган төгрөгийн ханштай эхэлж байна. Агаар хуурайшилт ихтэй байгаа учир ямааны бургиа буюу тоосжилт ихтэй байгаа ба малчид үхэж хорогдсон ямааны арьснаас самнасан ноолуур кг нь 50,0 мянган төгрөгийн ханштай байна. Малчид ноолуураа ихэнхдээ хувиараа Хятад руу нийлүүлдэг бол 10-20 хувийг үндэсний Гоёо, Говь үйлдвэрүүд авдаг байна.
Ноолуур боловсруулахад өөрийн өртөг их шингэдэг учраас малчдаас нэгдсэн журмаар авдаг үндэсний үйлдвэр бараг байдаггүй. Энэ жил Сүхбаатар, Хэнтий, Дорнод зүгийн аймгуудад ноолуурын зах зээлийн ханш кг нь 100,0-105,0 мянган төгрөгийн ханштай гарсан байна. Харин Ховд аймгийн хувьд байгаль цаг уурын өөрчлөлтөөс шалтгаалж малчид малаа бодож сайн дулаарахыг хүлээдэг, орой самнадаг учир хялгас ихтэй байдаг ба одоогоор дөнгөж эхлэх төдий байгаа юм.
Ер нь жилийн жилд тавдугаар сарын 1-нээс Ховдод ноолуур зах зээлд гарч эхэлдэг юм.

А.Бямбасүрэн

Ховдын малчид ямаагаа самнаж эхлээгүй байна

Холбоотой мэдээ

ХОВД: Баруун бүсийн Хөдөө аж ахуйн эрдэм шинжилгээний хүрээлэн байгуулна

ХОВД: Зуучилсан иргэдийн 70 орчим хувь нь тогтвортой ажиллаж байна

ХОВД: Гурилын үнэ буурч байна

ХОВД: Гэмт хэрэг, зөрчлөөс урьдчилан сэргийлэх чиглэлээр туршлага солилцов

ХОВД: "Бид хамтдаа" өдөрлөгт 300 гаруй хүн оролцжээ

ХОВД: Байгаль орчны салбарт хамтын ажиллагаагаа өргөжүүлэх санал уламжиллаа

ХОВД: 200 мянга орчим мод тарих урьдчилсан төлөвлөгөө гарчээ

ХОВД: Мэргэжлийн чиг баримжаа олгох үйлчилгээнд 1600 орчим сурагч хамрагдана

ХОВД: Энэ хавар 3300 га талбайд тариалалт хийнэ

бидэнтэй нэгдэх

Хандалт