Улиастай сумын ЗДТГ иргэдээс ирүүлсэн 186 албан бичигт хариу өгчээ
ОРОН НУТГИЙН МЭДЭЭ | ЗАВХАН
Завхан/МОНЦАМЭ/. Завханы төв Улиастай сумын ЗДТГ-аас 620, багийн ажлын албадаас 4800 тодорхойлолт, 56 архивын лавлагааг иргэдэд гаргаж үйлчилжээ.
Улиастай сумын ИТХ, ЗДТГ-т иргэдээс 436 өргөдөл хүсэлт ирснээс 365 өргөдлийг хуулийн хугацаанд нь шийдвэрлэж 71 өргөдлийг шийдвэрлэхээр судлаж, өргөдөл гомдлын шийдвэрлэлт 84 хувьтай байгаа талаар Улиастай сумаас мэдээллээ. Харин байгууллагын албан хэрэгт 468 албан бичиг бүртгэгдсэнээс хугацаатай албан бичиг 198 ирсний 186 албан бичгийн хариуг хугацаанд нь хүргүүлж 12 албан бичгийн шийдвэрлэх хугацаа хүлээгдэж биелэлт 94 хувьтай байгаа ажээ. Хүний нөөцийн удирдлагын систем төрийн албан хаагчийн бүрэлдэхүүн хөдөлгөөний программд өөрийн болон харьяа байгууллагын 635 албан хаагчийн цогц мэдээллийг оруулж бүрэн цахимжуулжээ.
Б.Мягмарсүрэн