“Эрчим” клуб “Супер цом”-ын эзэн болов

dusem11@yahoo.com

2017-04-24 12:38:01

Улаанбаатар /МОНЦАМЭ/. Монголын хөлбөмбөгийн холбооны “Супер цом”-ын тоглолт өчигдөр “Эрчим”, “Хангарьд” клубын хооронд өрнөж, “Эрчим” багийн ялалтаар өндөрлөв.

Хамгийн нэр хүндтэй тэмцээнүүдэд түрүүлсэн багууд өрсөлддөг энэ тоглолт эхлэхийн өмнө “Эрчим”-ийн легионер Ишино Шута /Япон/ 2016 оны “Алтан бөмбөг” ёслолоор тодруулсан “Бэлэгдлийн 11”-т багтсан шагналаа гардан авлаа.
“Эрчим” багийн гурван аюултай цохилтыг “Хангарьд”-ын хаалгач Б.Сэр-Од амжилттай хамгаалсан ч нэг нь булангийн цохилт болов. Булангийн цохилтоос ирсэн бөмбөгийг Б.Даваажав мөргөж, тооны харьцааг 1:0 болгосон юм. Б.Даваажав 63 дахь минутад хүчтэй цохилт хийж тоог 2:0 болж улмаар Ишино Шута өрсөлдөгчийнхөө хаалганд гурав дахь гоолыг хийлээ.

“Хангарьд” клубээс Ц.Мөнх-Эрдэнэ 69 дэх минутад торгуулийн цохилтоос тоог 3:1 болгосон ч энэ нь нэр төрийн гоол болж хувирсан юм. Тухайлбал, үндэсний лигийн аварга “Эрчим” клубын М.Төгөлдөр 82, Г.Батдэлгэрэх нэмэлт цагийн 3 дахь минутад гоол оруулснаар баг нь 5:1-ээр хожлоо.
“Эрчим” клуб 2011 оноос эхлэн зохиож байгаа “Супер цом”-ыг зургаа дахь жилдээ дараалан авсан амжилтын эзэд болов.

Д.Өлзий

“Эрчим” клуб “Супер цом”-ын эзэн болов

Холбоотой мэдээ

Абу Дабигийн их дуулгаас Б.Гончигсүрэн алтан медаль хүртлээ

Л.Энхрийлэн Абу Дабигийн Их дуулгаас мөнгөн медаль хүртлээ

Э.Ариунболд Их дуулгаас мөнгөн медаль авав

Абу Дабигийн “Их дуулга” маргааш эхэлнэ

“Токио-2025” дифлимпын наадмаас монголчууд хоёр хүрэл медаль хүртлээ

Улсын цолыг допингийн шинжилгээний дараа олгодог байх хуулийн төслийг өргөн барилаа

Улсын заан С.Сүхбат Улс тунхагласны ойн барилдаанд хоёр дараалан түрүүллээ

Спортын анагаах ухаан, эрдэм шинжилгээний төвийн нээлтэй өдөрлөг болов

Дифлимпын наадмаас Д.Чинзориг хүрэл медаль хүртлээ

бидэнтэй нэгдэх

Хандалт