Улаанбаатар
380 албан тушаалтан хөрөнгө орлогын мэдүүлгээ өгчээ
ОРОН НУТГИЙН МЭДЭЭ | ГОВЬ-АЛТАЙГовь-Алтай аймгийн ИТХ-ын Тэргүүлэгчдийн ажлын албанд 471 албан тушаалтан хөрөнгө орлогын мэдүүлэг гаргахаас өнөөдрийн байдлаар 380 албан тушаалтан хөрөнгө орлогын мэдүүлгээ шинэчлэн гаргаж бүрдүүлэлт 80 хувьтай байна.
Хувийн ашиг сонирхлын мэдүүлэг болон хөрөнгө орлогын мэдүүлгийн бүрдүүлэлтийн программ шинэчлэгдсэнтэй холбогдуулан мэдүүлэг гаргагч бүр нь өөрийн цахим эрхээр мэдүүлгээ мэдүүлэх бүрэн боломжтой болсон бөгөөд хариуцсан эрх бүхий албан тушаалтантайгаа холбогдож цахимаар мэдүүлэх эрхээ нээлгэх боломжтой ажээ. Хуульд зааснаар 02-р сарын 15-аас өмнө мэдүүлэг гаргагч нь мэдүүлгээ өөрөө мэдүүлэх үүрэгтэй юм байна.
“Авлигын эсрэг хууль”, “Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль”-иудын хүрээнд албан тушаалтнуудын хувийн ашиг сонирхлын мэдүүлэг болон хөрөнгө орлогын мэдүүлгийн бүрдүүлэлтийн ажил хуулийн дагуу явагдаж, өнөөдөр дуусах юм.
Ш.Цоодол
