Шулуун гэдсэндээ 130 мянган долларын алтан зоос нуусан байжээ

Дэлхийд | Сонин хачин
dorjkhand@montsame.mn
2017-02-03 11:44:36

ОТТАВА./ВВС/. Канадын зоос үйлдвэрлэдэг “Royal Canadian Mint” корпорацийн нэгэн ажилтан алтан зоос хулгайлан шулуун гэдсэндээ нуун авч гарсны учир 30 сарын хорих ялаар шийтгүүлжээ.

Листон Лоуренс гэгч нь 127 116 доллароор үнэлэгдэх 22 ширхэг алтан зоос хулгайлсан байна.

35 настай тэрбээр Оттавагийн алтны наймаачдад хулгайлсан алтан зооснуудынхаа 17-г нь худалдсаны дараа баригджээ. Тэрбээр өнгөрсөн оны 11 дүгээр сард хэргээ хүлээсэн аж.

Түүнд 145 900 долларын торгууль ногдуулсан байна.

Өчигдөр шүүгч ялын тогтоол уншихдаа “хэрвээ Лоуренс 30 сарын ял эдэлснийхээ дараа гурван жилийн дотор ногдуулсан торгуулийг төлөхгүй бол дахин 30 сарын хорих ял эдлэх болно” гэжээ.

Компанийн хувцас солих өрөөн дэх түүний шүүгээнээс мөрдөн байцаагчид вазелин болон эмнэлгийн резинэн бээлий олжээ.

Эдгээрийг ашиглан тэрбээр алтан зоосыг шулуун гэдсэндээ нуудаг байсан аж.

Г.Доржханд

 

 

 

 

Холбоотой мэдээ