БНХАУ таван сая доллар хандивлана
ДЭЛХИЙН МЭДЭЭ | ЭРҮҮЛ МЭНДБЭЭЖИН. /Xinhua/. “Эбола”-гийн халдвартай тэмцэх ажиллагаанд БНХАУ-аас таван сая доллар хандивлах тухай гэрээнд БНХАУ болон НҮБ гарын үсэг зурлаа гэж өчигдөр тус улсын Худалдааны яам мэдэгдэв.
БНХАУ-ын Худалдааны орлогч сайд Жан Сянчэнь болон БНХАУ дахь НҮБ-ын Хөгжлийн хөтөлбөрийн суурин төлөөлөгч, НҮБ-ын Суурин зохицуулагч Алайн Нудехою нар уг гэрээнд гарын үсэг зурсан байна.
“Эбола”-д яаралтай хариу арга хэмжээ авах НҮБ-ын зорилгыг дэмжиж, НҮБ-ын олон улсын итгэлцлийн сан руу хандивын мөнгийг хийнэ.
БНХАУ өнгөрсөн жилийн 12 дугаар сард тус санд зургаан сая доллар хандивласан байна.
Д.Нямтулга