Улаанбаатар
ДУНДГОВЬ: Үндэсний их сурын харвааны холимог багийн УАШТ-нд амжилттай оролцов
ОРОН НУТГИЙН МЭДЭЭ | ДУНДГОВЬ
Мандалговь, 2024 оны наймдугаар сарын 19 /МОНЦАМЭ/. Энэ сарын 15-18 ны өдрүүдэд Даланзадгад хотноо болсон Үндэсний сурын холимог багийн УАШТ-ий эрэгтэй, эмэгтэй, холимог багийн төрөлд Дундговь "Их мандал зурхай" холбооны харваачид тэргүүн байр эзэлжээ.
Дундговь аймгийн “Их мандал зурхай” харваачдын холбоо дээрх тэмцээнд 3 дахь удаагаа оролцсон нь энэ юм. Тус холбооны харваачид энэ жилийн тэмцээний эрэгтэй, эмэгтэй, холимог багийн гэсэн гурьан төрөлд оролцож, тэргүүн байр эзэлж, нэгэн зэрэг гурван алтан медаль хүртсэн нь онцлог амжилт болсон гэдгийг харваачид тодотгож байлаа.
Аймгаа төлөөлөн оролцсон багийн бүрэлдэхүүнд Монгол Улсын даян мэргэн Ө.Хатанболор болон аймгийн цолтнууд цэц мэргэнээ сорьсон байна.
Батмөнх Даян сэцэн хааны мэндэлсний 560 жилийн ойг тохиолдуулан зохион байгуулсан дээрх тэмцээнд 43 багийн мянга гаруй мэргэн харваач оролцож, 30 зурхайнаас харважээ.
