Улаанбаатар
Гурван өдөр бороотой
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2024 оны наймдугаар сарын 8 /МОНЦАМЭ/. Өнөөдөр говийн бүс нутгийн баруун өмнөд хэсгээр, 09-нд төв болон говийн аймгуудын нутгаар, 10-нд нутгийн зүүн хагаст үргэлжилсэн усархаг дуу цахилгаантай аадар бороо орно. Энэ гурван өдрийн борооноор аянга цахилгаан, нөөлөг салхи, уруйн үер, үер усны аюулаас сэрэмжтэй байхыг Цаг уур, орчны шинжилгээний газраас онцгойлон анхааруулжээ.
Өнөөдөр 20 цаг
хүртэл ихэнх нутгаар үүлэрхэг. Баруун болон төвийн аймгуудын нутгийн өмнөд,
говийн аймгуудын нутгийн баруун болон хойд хэсгээр бороо, дуу цахилгаантай
аадар бороо орно.
Салхи баруун
аймгуудын нутгаар баруун өмнөөс баруун хойш эргэж, бусад нутгаар баруун өмнөөс
секундэд 5-10 метр, нутгийн зарим газраар борооны өмнө түр зуур ширүүснэ.
Алтай, Хангай,
Хөвсгөлийн уулархаг нутаг, Завхан голын эх, Хүрэнбэлчир орчмоор +18...+23
градус, говийн бүс нутгийн зүүн хэсгээр +31...+36 градус, Их нууруудын хотгор,
говийн бүс нутгийн баруун хэсэг, Дорнод-Дарьгангын тал нутгаар +26...+31
градус, бусад нутгаар +21...+26 градус дулаан байна.
