Улаанбаатар
ХОВД: Энэ долоо хоногийн цаг агаарын урьдчилсан төлөв
ОРОН НУТГИЙН МЭДЭЭ | ХОВД
Жаргалант, 2024 оны наймдугаар сарын 6 /МОНЦАМЭ/. Ховд
аймгийн Ус, цаг уур, орчны шинжилгээний төвөөс энэ сарын 12-ны өдөр хүртэлх цаг
агаарын урьдчилсан төлөв мэдээллийг танилцууллаа.
Энэ сарын 8, 11-нд зарим газраар бага зэргийн бороо орно. Салхи ихэнх хугацаанд нийт нутгаар секундэд 4-9 метр байх төлөвтэй. Агаарын температурын хувьд уулархаг нутгаар шөнөдөө +7+12 градус, өдөртөө +20+25 градус байна. Харин бусад нутгаар шөнөдөө +12+17 градус, өдөртөө +26+31 градус дулаан байна.
Ховд аймгийн нутгаар ургамлын дундаж өндөр 3-10 см байна.
Ургамлын
ургалтын байдал нийт нутгийн 60 орчим хувьд сайн, үлдсэн 40 хувьд дунд гэсэн үнэлгээтэй байгаа юм.
Өөрөөр
хэлбэл, Чандмань, Дарви, Эрдэнэбүрэн, Мянгад, Мөнххайрхан, Дуут, Ховд, Булган,
Алтай сумын нутгаар зуншлага хэвийн, бусад сумын нутгаар зуншлаг дунд зэрэг
болж байна.
