Улаанбаатар
БНАСАУ агаарын техникийн шоу үзүүлбэр үзүүлнэ
ДЭЛХИЙН МЭДЭЭ | СОНИН ХАЧИНВОНСАН. /TASS/. БНАСАУ-ын түүхэн дэх хамгийн анхны агаарын техникийн шоу үзүүлбэр тус улсын зүүн эргийн Вонсан боомтод өнөөдөр болно гэж үзүүлбэрийг зохион байгуулах хороо мэдэгдэв.
Уг шоу үзүүлбэрт агаарын цэргийн техник, иргэний нисэхийн нисэх онгоц, нисдэг тэрэг зэргийг олон нийтэд харуулах ажээ. Мөн Пхеньян хотын нислэгийн клубын шүхэрчид өөрсдийн үзүүлбэрээ үзүүлэхээр төлөвлөсөн байна.
БНАСАУ-ын ОХУ-аас худалдан авсан Ильюшин, Антонов, Туполев зэрэг иргэний нисэх онгоц болон “МиГ”, “Су” сөнөөгч онгоцнууд агаарын техникийн шоу үзүүлбэрт оролцоно.
Үүний зэрэгцээ БНАСАУ-ын нисгэгчид мэргэжлийн ур чадвараа харуулах бол үзэгчид Умард Солонгосын “Air Koryo” компанийн нисэх онгоцоор нисч, шүхэрчдийн хамт шүхрээр буух боломжтой ажээ.
Агаарын шоу үзүүлбэрийн хажуугаар дуу, бүжиг болон Солонгосын эртний тулааны урлагийн үзүүлэх тоглолт болно гэж зохион байгуулагчид мэдэгдэв.
Д.Нямтулга
