Улаанбаатар
ДГХБО-ын ирэх 10 жилийн хөгжил, өөрчлөлтийг тодорхойлохыг зорьж байна
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. НҮБ-ын Ерөнхий Ассамблейн 78 дугаар чуулганы Ерөнхий санал шүүмжлэлийн хүрээнд Далайд гарцгүй хөгжиж буй орнууд (ДГХБО)-ын Гадаад хэргийн сайд нарын 22 дахь удаагийн уулзалт Нью-Йорк хотноо “Венагаас Кигали хүртэл: ДГХБО-ын хөгжил цэцэглэлт, өөрчлөлтийн дараагийн 10 жилийн үйл ажиллагааг тодорхойлохын төлөө” сэдвээр өчигдөр боллоо.
Уулзалтыг ДГХБО-ын Бүлгийн дарга Ботсвана Улсын Гадаад
хэргийн сайд Лемогоанг Квапе нээж, НҮБ-ын Ерөнхий Ассамблейн 78 дугаар чуулганы
дарга Дэннис Фрэнсис, НҮБ-ын Эдийн засаг, нийгмийн зөвлөлийн дарга Паула
Нарвазез Ожеда нар үг хэлж, НҮБ-ын
Нэн буурай хөгжилтэй, далайд гарцгүй хөгжиж буй болон арлын жижиг орнуудын
асуудал эрхэлсэн дээд төлөөлөгч Рабаб Фатима ДГХБО-ын асуудлаарх НҮБ-ын гуравдугаар бага хурлын бэлтгэлийн талаар мэдээлэл хийв.
Гадаад харилцааны сайд Б.Батцэцэг энэ уулзалтад хэлсэн үгэндээ, ДГХБО-ын “Венийн үйл ажиллагааны
хөтөлбөр”, түүний Замын
зураглалын хэрэгжилтийг эрчимжүүлэх явцад манай улсын олсон амжилт, туршлагыг
танилцуулсан юм. Түүнчлэн, Монгол
Улсын санаачилсан Улаанбаатар дахь ДГХБО-ын Олон улсын судалгааны төвийг
хөгжүүлэх, ДГХБО-ын агаарын тээврийн хэлхээ холбоог сайжруулах асуудлаар Олон
улсын иргэний агаарын тээврийн байгууллагын 41 дүгээр чуулганаар батлуулсан
баримт бичгийн хэрэгжилтийг хангахад хамтран ажиллахыг гишүүн улс орнууд,
хөгжлийн түншүүд, бусад талд
уриаллаа.
Уулзалтад оролцогчид Руандагийн
нийслэл Кигали хотноо 2024 оны 6 дугаар сарын 19-22-нд
болох ДГХБО-ын асуудлаарх НҮБ-ын гуравдугаар бага хуралд бэлтгэх үйлсэд хүсэл зориг нэгтэй
шамдах, түүний дотор ДГХБО-ын хөгжлийн асуудлаарх дараагийн 10
жилийн төлөвлөгөөг шинэлэг,
өөрчлөгч агуулгаар боловсруулахын төлөө үр дүнтэй яриа хэлэлцүүлэг
өрнүүлэх шаардлагатайг онцолсныг ГХЯ-наас
мэдээлжээ.
