Улаанбаатар
Олон улсын моно жүжгийн XXIV наадмаас жүжигчин Р.Янжиндулам Гран при шагнал хүртжээ
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Бүгд Найрамдах Умард Македон улсын Битола хотод болсон Олон улсын моно жүжгийн XXIV наадамд Төв аймгийн “Монгол туургатан” театрын жүжигчин, СТА Р.Янжиндулам оролцож Гран при шагналыг 2023 оны 5-р сарын 23-ны өдөр хүртжээ.
Уг наадамд зохиолч найруулагч Ц.Баясгалан, зураач, найруулагч Б.Батдэлгэр, хөгжмийн зохиолч П.Дэлгэрсайхан нарын “Би хэн бэ” жүжгээр оролцсон байна.
"Олон улсын моно жүжгийн 24 дэх наадам" 5-р сарын 12-20-нд Битола хотод 11 орны жүжигчдийг хүлээн авч, гурван өөр тайзан дээр 13 моно драмын жүжгийг толилуулжээ.
Энэ жилийн наадамд ЮНЕСКО-гийн Олон улсын моно жүжгийн форумын дэд ерөнхийлөгч, театр судлаач Нина Мазур, жүжигчин Николай Урумов, Сашко Коцев нараас бүрдсэн шинжээч шүүгчдийн бүрэлдэхүүн ажилласан байна.
