Улаанбаатар
Энэ оны сүүлийн башёд Аби Эзэн хааны цомын эзэн болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Мэргэжлийн сумо бөхийн сүүлийн өдөр буюу 15 дахь өдрийн барилдаан 11 дүгээр сарын 27-нд Фүкүока хотноо болж, энэ өдөр 3 сумоч адил 12 даваа авсан учраас дахин барилдаан хийхэд Такаяасү /М-1/, Озэки Такакейшо нарыг дараалан давж 13 даваатай болсон Аби /М-9/ Японы Эзэн хааны цомын эзэн болж түрүүллээ.
Энэ өдөр Сэкиваке Хошёорюү С.Бямбасүрэн, Комүсүби Кирибаяама Б.Лхагвасүрэнтэй учраа таарч түүнийг ёрикири мэхээр давснаар 11 даваа, 4 унаатай болсон юм. Харин Кирибаяама 8 даваа, 7 унаатай энэ башёг өндөрлүүлж байна.
Комүсүби Тамаваши
Б.Мөнх-Оргил, Точиношин /М-8/-тай таарч барилдан, түүнийг уватэнаге мэхээр давж
6 даваа, 9 унаатай энэ башёг дуусгаж байна.
Энэ өдөр Ичиножёо
А.Ичинноров /М-2/, Тэрүцүёоши /М-15/-тэй барилдаж, түүнийг уватэнаге мэхээр
давж 4 даваа, 11 унаатай энэ башёд тун ч тааруу амжилт үзүүллээ. Чиёошома
Г.Мөнхсайхан /М-10/, Эндо /М-7/-той таарч барилдан, түүнийг ошидаши мэхээр давснаар
7 даваа, 8 унаатай башёг дуусгаж байна.
Мөн энэ өдөр Азүмарюү С.Тодбилэг /М-14/, Мёогирюү /М-7/-тэй хүч үзэж, түүнд ёрикири мэхээр унаснаар 7 даваа, 8 унаатай башёг дуусгав.
Энэ башёг 12 даваатай
ганцаараа тэргүүлж явсан Такаяасү /М-1/ Аби /М-9/-тэй таарч барилдан түүнд цүкитаоши
мэхээр унаж, тэд 12 даваа, 3 унаатай болж дахин барилдаан хийх нөхцлийг бүрдүүллээ.
Аваргыг тодруулах барилдаанд Такаяасү /М-1/, Аби /М-9/-тэй дахин хүч үзэхэд хатакикоми мэхээр унасан бол аваргын төлөөх шийдвэрлэх барилдаанд Озэки Такакейшо адил даваатай Аби /М-9/-тай барилдан, түүнд ошидаши мэхээр унаж 12 даваа, 4 унаатай болж башёг дуусгалаа.
