Улаанбаатар
АМГТГ: Аи-92 автобензиний үнэ, хангамж тогтвортой байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. АМГТГ-ын мэдээгээр
энэ сарын 15-ны байдлаар улсын хэмжээнд дунджаар А-80 автобензин 51
хоног, Аи-92 автобензин 36 хоног, Аи-95 автобензин 39 хоног, дизель түлш 24
хоног, ТС-1 онгоцны түлш 15 хоногийн ердийн хэрэглээтэй тэнцэх үлдэгдэл,
нөөцтэй байна.
Энэ оны эхний 7 сард улсын хэмжээнд нийт 946.3 мянган тонн газрын
тосны бүтээгдэхүүн импортолжээ. Үүнээс
872.3 мянган тонн шатахуун байгаагаас:
- А-80 автобензин 19.7 мянган тонн,
- Аи-92 автобензин 314.8 мянган тонн,
- Аи-96/98 автобензин 15.3 мянган тонн,
- ДТ 472.9 мянган тонн,
- ШШТ 20.6 мянган тонн,
- ТС-1 онгоцны түлш 28.7 мянган тонныг тус тус импортолжээ.
УУХҮЯ-наас Аи-92
автобензиний үнэ он дуустал тогтвортой байна
гэж мэдээллээ. Тодруулбал, өнгөрсөн 4-6 дугаар сард манай улсын нефть бүтээгдэхүүний гол нийлүүлэгч ОХУ-ын
“Роснефть”
компанитай олон удаагийн хэлцэл хийсний үр дүнд өнөөдөр нэг тонн Аи-92
автобензинийг 840 ам.доллароор буюу дэлхийн зах зээлийн ханшаас 25-30 хувийн
хямд үнээр худалдан авч дотоодын зах зээлд борлуулж байна. Үүний үр дүнд АИ-92 автобензиний үнэ
өнөөдрийг хүртэл литр нь 2,390 төгрөгт хадгалагдаж байна.
Мөн Ерөнхий сайд Л.Оюун-Эрдэнэ ОХУ-ын Гадаад хэргийн сайд
С.Лавровыг манай улсад айлчлах үеэр өргөн хэрэглээний Аи-92 авто бензиний үнийг
энэ он дуустал нэмэхгүй байх талаар ярилцаж, хэлэлцээр үр дүнд хүрсэн. Цаашид өргөн хэрэглээний Аи-92 автобензиний үнийг
нэмэхгүй байх тал дээр Засгийн газар, УУХҮЯ-наас ОХУ, БНХАУ-тай хэлцээр хийн ажиллаж байгааг мэдээлэв.
