Аймгийн нийт нутгийн 36,9 хувьд зуншлага сайн байна

ОРОН НУТГИЙН МЭДЭЭ | ГОВЬ-АЛТАЙ
185@montsame.mn
2022-06-06 16:06:41

Говь-Алтай /МОНЦАМЭ/. Тавдугаар сарын 31-ний байдлаар Говь-Алтай аймгийн бэлчээрийн ургамлын ургалт, зуншлага  нийт нутгийн 36,9 хувьд сайн байна.

Аймгийн Ус, цаг уур, орчны шинжилгээний төвөөс тус аймгийн нийт нутгийн бэлчээрийн ургамлын гаралт өнөөгийн байдлаар ямар байгаа тухай танилцууллаа. Тодруулбал, Нийт нутгийн 36,9 хувь буюу Есөнбулаг, Баян-Уул, Бигэр, Гуулин, Төгрөг, Халиун, Эрдэнэ суманд зуншлага сайн буюу ургалт сайн, 44.7 хувь буюу Алтай, Баянтоорой тосгон, Тонхил, Бугат, Хөхморьт, Дарви, Жаргалан, Тайшир, Чандмань, Шарга суманд зуншлага дунд буюу ургалт удаашралтай байгаа аж. Харин 18,4 хувь буюу Дэлгэр, Цогт, Цээл суманд зуншлага муу буюу ургалт муу байгаа тухай мэдээлэв. Мөн одоогоор малын тарга хүч, усан хангамж дунд зэрэг байгааг танилцууллаа.


Холбоотой мэдээ