Оюутны спортын V наадмын шилдэг шатарчид тодорлоо
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын оюутны спортын V наадмын шилдэг шатарчин оюутнуудыг “Зууны шатар” клубт 4 сарын 17-ний өдөр тодрууллаа.
Эрэгтэй
ганцаарчилсан төрөлд Ү.Агьбилэг /МУИС/, Э.Энхнар /Мон-Алтиус ДС/, Ц.Цолмон /МУИС/ эхний 3 байрт шалгарлаа. Харин
эмэгтэй ганцаарчилсан төрөлд Н.Наран-Эрдэнэ /МУИС/ аваргалж, О.Өлзийхишигжаргал
/Оточ Манрамба ИС/, Б.Амина /Отгонтэнгэр ИС/ нар 2, 3 дугаар байр эзэллээ.
Байгууллагын дүнгээр МУИС, Мон-Алтиус дээд сургууль, ХААИС-ийн баг тамирчид эхний 3 байрт шалгарлаа. Тэмцээний шилдэг тамирчдын шагналыг МОСХ-ны удирдах зөвлөлийн гишүүн, Наадмын зохион байгуулах хорооны гишүүн, МУИС-ийн биеийн тамирын тэнхимийн эрхлэгч Л.Эрдэнэпүрэв гардуулан өгсөн.
Энэхүү тэмцээнийг Mongolian CHESS Federation - Монголын шатрын холбоо, “Зууны шатар” клубтэй хамтран амжилттай зохион байгуулсан байна.