Улаанбаатар
Зам, тээврийн хөгжлийн сайд Л.Халтар МИАТ ТӨХК-д ажиллалаа
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Зам, тээврийн хөгжлийн сайд Л.Халтар МИАТ ТӨХК-д өнөөдөр ажиллалаа.
Энэ үеэр сайд өнгөрсөн
12 дугаар сарын 30-нд
баталсан нэмэгдсэн өртгийн албан татварын тухай хуульд нэмэлт, өөрчлөлт
оруулах тухай, гаалийн тариф,
гаалийн татварын тухай хуульд нэмэлт, өөрчлөлт оруулсан хуулийг МИАТ ТӨХК-ийн гүйцэтгэх захирал
Б.Мөнхтамирт гардуулсан юм.
Гүйцэтгэх
захирал Б.Мөнхтамир компанийн одоогийн
байдал, санхүүгийн хүндрэл, хэрэгжүүлж буй үйл ажиллагаа, цаашдын төлөвлөгөөний талаар
танилцууллаа.
Мөн ЗТХ-ийн сайд Л.Халтар МИАТ компанийн Агаарын хөлгийн
засвар үйлчилгээний газарт хийж буй “Royal Flight”
компанийн В737-800 агаарын хөлгийн техник үйлчилгээний явцтай танилцаж, инженер
техникийн ажилчдын ур чадвараар бахархаж байгаагаа тэмдэглээд, цаашид агаарын хөлгийн засвар
үйлчилгээний олон улсын зах зээлд
илүү амжилттай ажиллахыг хүсэв.
МИАТ ТӨХК-ийн АХЗҮГ нь агаарын хөлгийн техник үйлчилгээний
зах зээлд 2014 оноос амжилттай нэвтэрч, одоогоор гадаадын авиа компаниудын 83 агаарын хөлөгт хүнд, хөнгөн хэлбэрийн техник үйлчилгээ хийгээд байгаа аж.
