Хөрөнгийн биржид 75 ХК-ийн 5.1 сая хувьцаа арилжив
МОНГОЛЫН МЭДЭЭ | ЭДИЙН ЗАСАГУлаанбаатар /МОНЦАМЭ/. Монголын хөрөнгийн биржид өнгөрсөн 7 хоногт 5 удаагийн арилжаагаар нийт 4,905,996,080.09 төгрөгийн арилжаа хийв. Хувьцааны хоёрдогч зах зээлийн энгийн арилжаагаар: 75 компанийн 5.1 сая ширхэг хувьцааг 2,249,048,441.41 төгрөгөөр арилжсан байна.
Хоёрдогч зах зээлийн арилжаанд идэвхтэй арилжаалагдсан үнэт цаасууд:
Багцын өрийн хэрэгслийн анхдагч зах зээлийн арилжаагаар: I ангилалд бүртгэлтэй үнэт цаас гаргагч компани “ЛэндМН ББСБ” ХК-ийн хөтөлбөрийн хүрээнд гаргаж байгаа өрийн хэрэгслийн I транчийн нэг бүр нь 100,000 төгрөгийн нэрлэсэн үнэтэй, 2 жилийн хугацаатай, жилийн 14 хувийн хүүтэй өрийн хэрэгсэл “ЛэндМН Бонд” нь энэ оны 11 дүгээр сарын 29-нд Хөрөнгийн биржээр олон нийтэд нээлттэйгээр арилжиж, нийт 2.5 тэрбум төгрөгийн санхүүжилтийг татан төвлөрүүлэв.
Компанийн бондын хоёрдогч зах зээлийн арилжаанд төгрөгийн 6 ширхэг, ам.долларын 139 ширхэг бондыг нийт 39,735,958.17 төгрөгөөр арилжив.
Хөрөнгө оруулалтын сангийн нэгж эрхийн хоёрдогч зах зээлийн арилжаагаар:11 дүгээр сарын 29-нөөс 12 дугаар сарын 3-нд хөрөнгө оруулалтын сангийн хоёрдогч зах зээлийн арилжаанд 261,869 ширхэг нэгж эрхийг 117,211,680.51 төгрөгөөр арилжлаа.
12 дугаар сарын
3-ны өдрийн байдлаар зах зээлийн үнэлгээ 5,242,805,601,650.48 төгрөг
болсон бол ТОП-20 индекс 39,202.7 нэгж болж өмнөх 7 хоногоос 1.32 хувиар
буурсан үзүүлэлттэй байна.