Гал түймэр гарч болзошгүй 2527 зөрчлийг илрүүлжээ

Монголын мэдээ | Нийгэм
uransolongo49@gmail.com
2021-11-15 10:55:12

Улаанбаатар /МОНЦАМЭ/.  НОБГ-аас хийсэн ээлжит хяналт шалгалтад 3787 өрхийг хамруулж, галын аюулгүйн дүрэм, норм, стандартын холбогдох заалтыг зөрчсөн 2527 зөрчлийг илрүүлэн 264 зөрчил буюу 10.4 хувийг газар дээр нь арилгуулсан байна.


НОБГ-аас “Мартаж болохгүй” нөлөөллийн аяны хүрээнд СБД-ийн 15, 17 дугаар хорооны айл өрхүүдэд ахуйн гал түймэр, угаарын хийн хордлогоос урьдчилан сэргийлэх нэгдсэн үйл ажиллагаа зохион байгуулсан байна.


Тус үйл ажиллагаанд  НОБГ, төвийн 6 дүүргийн Онцгой байдлын хэлтэс, СБД-ийн 15,17 дугаар хороодын хэсгийн ахлагч, сайн дурын ажилтан, Цагдаагийн газар, “Таван толгой түлш” ХХК, “Улаанбаатар цахилгаан түгээх сүлжээ” ТӨХК,  “Сүхбаатар дүүрэг дэх хэрэлэгчдэд үйлчлэх төв”-ийн  нийт 450 ажилтан оролцлоо. 




Мөн 3708 иргэнд галын аюулаас урьдчилан сэргийлэх, угаарын хийн хордлогоос урьдчилан сэргийлэх заавар зөвлөмж өгч, гарын авлага, санамж, сэрэмжлүүлэг материал тарааж, мэргэжил, аргазүйн зөвлөгөө өгчээ.

 



Холбоотой мэдээ