Цар тахлын улмаас дотоодын жуулчдын тоо буурчээ

ОРОН НУТГИЙН МЭДЭЭ | ХӨВСГӨЛ
gantuyaB@montsame.mn
2021-10-26 15:53:16

Хөвсгөл /МОНЦАМЭ/. Монгол орны аялал жуулчлалын гол тулгуур бүс нутаг болон хөгжих зорилт дэвшүүлсэн Хөвсгөл аймгийг зорих жуулчдын тоо сүүлийн жилүүдэд нэмэгдэж байгаа ч өнгөрсөн зуны хувьд цар тахлын улмаас буурсан байна.

Тухайлбал 2019 онд 56531 дотоодын жуулчин ирсэн бол 2020 онд 80591 болж 20 гаруй мянгаар нэмэгдэж байсан. Харин энэ онд 54700 болж 25 мянга гаруйгаар буурчээ. “Энэ нь коронавирусний халдварын улмаас зорчих хөдөлгөөнийг хязгаарлаж байсантай холбоотой гэж үзэж байна. "Ковид-19" цар тахлын улмаас хил хаасан учир гадаадаас жуулчид ирээгүй гэдгийг Хөвсгөл аймгийн БОАЖГ-ын аялал жуулчлал, соёлын өв хариуцсан мэргэжилтэн Б.Амартүвшин хэлж байлаа.  

Тус аймгийн хэмжээнд аялал жуулчлалын салбарт 200 гаруй аж ахуйн нэгж үйл ажиллагаагаа явуулж, 3500 орчим иргэн ажиллаж байна.

 

Холбоотой мэдээ