Баруун-Урт суманд хоногт 110 тохиолдол батлагдав

Орон нутагт | Сүхбаатар
odonchimeg@montsame.mn
2021-09-15 15:13:06

Сүхбаатар /МОНЦАМЭ/. Сүхбаатар аймагт сүүлийн 24 цагт шинээр халдварын 185 тохиолдол илэрснээс хамгийн олон буюу 110 нь зөвхөн Баруун-Урт суманд батлагджээ. Ингэснээр тус суманд нийт батлагдсан тохиолдол 2000-ыг даваад байгаа бол аймгийн хэмжээнд 3976 болоод байна.

Харин дээрх хугацаанд 62 иргэн эдгэрч эмнэлгээс гарснаар нийт эдгэрсэн иргэдийн тоо 2527 болжээ. Аймгийн хэмжээнд коронавирусний халдвар авсан нь батлагдсан 1316, магадлалтай 43 нийт 1359 иргэн эрүүл мэндийн байгууллагуудаар эмчлүүлж байна.

Хэвтэн эмчлүүлэгсдийн дунд эзлэх жирэмсэн эмэгтэй болон хүүхдийн хувь тогтмол өсөж байгааг анхаарууллаа. Тодруулбал, одоогоор жирэмсэн эмэгтэй 29, 18 хүртэлх насны хүүхэд 141 байна гэж аймгийн ЭМГ-аас мэдээллээ. Эдгээр зорилтот бүлгийн иргэд ихэвчлэн гэр бүлийн хүрээллээс халдвар авсан байна. 

Холбоотой мэдээ