Ховд аймагт АИ-92 шатахууны үнэ литр тутамд 50 төгрөгөөр буурна
ОРОН НУТГИЙН МЭДЭЭ | ХОВДХовд /МОНЦАМЭ/. Ховд аймагт одоогоор дизель түлшний үнэ 200 төгрөгөөр буурч, 2200 төгрөг болсон.
Өөрөөр хэлбэл, ОХУ-аас
Ховд аймаг руу шатахууны шууд тээвэрлэлт хийх асуудлыг өнгөрсөн долоо хоногт
аймгийн удирдлагууд шийдвэрлэсэн. Ингэснээр орон нутагт шатахуун, тэр дундаа
дизeль түлшний үнийг бууруулах боломж бүрджээ.
“Оюу мандал” ХХК-ийн тухайд Ховд аймагт 200 төгрөгөөр хямдруулан худалдах шатахууны анхны тээвэрлэлтээ eсдүгээр сарын 3-нд хүлээн авсан байна.
Улмаар аймгийн удирдлагууд бензиний үнийг бууруулах талаар "Оюу мандал" ХХК-тай дахин зөвшилцсөний үр дүнд тус компани ирэх долоо хоногт АИ-92 авто бензинийг литр тутамд 50 төгрөгөөр хямдруулахаар болсон гэж ЗДТГ-аас мэдээллээ.
Одоогоор Ховд аймагт А-80 бензин 2170-2220 төгрөг, А-92 бензин 2250 төгрөгийн ханштай буй.