Дархлаажуулбал зохих хүүхдүүдийн 96 хувь нь вакцинд хамрагджээ

Орон нутагт | Завхан
myagmarsuren@montsame.mn
2021-08-16 17:36:22

Завхан/МОНЦАМЭ/. Тус аймагт 12-17 насны 6941 хүүхэд коронавирусний эсрэг дархлаажуулалтад хамрагдаад байна.

-“Аймгийн хэмжээнд 12-17 насны дархлаажуулалтад хамрагдвал зохих 7316 хүүхэд бүртгэлтэй байгаа. Үүнээс өнөөдрийн байдлаар 12-15 насны 5072 хүүхэд, 16-17 насны 1869 хүүхэд дархлаажуулалтын бүрэн тунд хамрагджээ.

Дээрх насны хүүхдүүдийг коронавирусний халдвараас урьдчилан сэргийлэх дархлаажуулалт 96 хувьтай хийгдэж дууссан байна. Харин аймгийн хэмжээнд коронавирусний эсрэг дархлаажуулбал зохих нийт 47311 хүнээс 40986 нь вакцины бүрэн тунд хамрагдаж дархлаажуулалт 86.8 хувьтай байна. Тус аймагт коронавирусний халдварын эсрэг БНХАУ-ын Синофарм компанийн Вероселл, Pfizer Inc (Pfizer / Biontech) компанийн Пфайзер вакцин, ОХУ-ын “Спутник-V” гэсэн вакцинуудыг журмын дагуу дархлаажуулалтад хамрагдвал зохих хүн амд хийсэн” гэж аймгийн ЭМГ-аас мэдээлэв.

Холбоотой мэдээ