Орон нутгийн тусгай хамгаалалттай газрыг хаягжуулжээ

Орон нутагт | Дорноговь
erdenebulgan@montsame.mn
2021-08-10 10:50:26

Дорноговь /МОНЦАМЭ/.Алтанширээ сумын ЗДТГ-аас сумын соёлын төвтэй хамтран байгалийн үзэсгэлэнт газар болох Сэнжит хадны ойролцоох газруудад хаяг, маршрут хийх ажлыг хийж гүйцэтгэжээ.

Мөн тусгай хамгаалалтай газруудын орчимд цэвэрлэгээ хийж хуучин самбар, тэмдэг тэмдэглэгээг сэргээн засварлаж эзэнжүүлэн холбогдох хүмүүстэй гэрээ байгуулсан байна.

Соёлын биет бус өвийг хамгаалах аймгийн дэд хөтөлбөр, Сумын Засаг даргын “Хөгжлийн төлөө хамтдаа-2” үйл ажиллагааны хөтөлбөрийг хэрэгжүүлэх зорилгоор дээрх ажлыг гүйцэтгэсэн гэж албаныхан мэдээлэв.

Ташрамд дурдахад, Дорноговь аймагт буй тусгай хамгаалалттай газрын хадгалалт хамгаалалтыг сайжруулах, олон нийтэд сурталчилан таниулах, аялал зуучлалыг дэмжин хөгжүүлэх зорилгоор албаныхан орон нутгийн тусгай хамгаалалттай нийт 20 газрыг хаягжуулжээ.

Холбоотой мэдээ