Грекийн анхны алтан медалийг С.Дускос хүртлээ

ДЭЛХИЙН МЭДЭЭ | СПОРТ
anudaritsagaan@gmail.com
2021-07-30 13:12:14

ТОКИО. /CNN/. Грекийн тамирчин Стефанос Дускос сэлүүрт завины эрэгтэйчүүдийн ганцаарчилсан төрөлд өөрийн зайг 6:40.45 минутад туулж, Олимпын алтан медалийн эзэн боллоо.

Өдгөө 24 настай тэрбээр сэлүүрт завины төрлөөр Грекийн анхны алтан медалийг Токиогийн Олимпын наадмаас ийнхүү хүртэж байна. Мөн эх орондоо энэ удаагийн Олимпын наадмын анхны алтан медалийг авчирчээ.

Тус төрөлд 2018 оны Дэлхийн аварга Норвегийн тамирчин Кетил Борч мөнгөн медаль хүртсэнээр энэ төрөлд Олимпын медаль хүртсэн Норвегийн хоёр дахь тамирчин болжээ. Өмнө нь тус улсын тамирчин Олаф Карл Тюфте 2004, 2008 оны Олимпоос тус төрөлд Олимпын алтан медаль хүртсэн юм.

Харин Хорватын тамирчин Дамир Мартин хүрэл медаль хүртсэн байна. Тэрээр 2016 оны Риогийн Олимпын наадмаас энэ төрөлд мөнгөн медаль, 2012 оны Лондонгийн Олимпоос сэлүүрт завины эрэгтэйчүүдийн багийн төрөлд мөнгөн медаль тус тус хүртэж байжээ.

Холбоотой мэдээ