Улаанбаатар
Төвийн аймгуудын ихэнх нутгаар дуу цахилгаантай аадар бороо орно
МОНГОЛЫН МЭДЭЭ | БАЙГАЛЬ ОРЧИН
Улаанбаатар /МОНЦАМЭ/. Цаг уурын байгууллагын ирүүлсэн урьдчилсан мэдээллээр өнөөдөр нутгийн төв хэсгээр дуу цахилгаантай аадар бороо орох тул мөндөр, нөөлөг салхи, аянга цахилгаан, үер усны аюулаас сэрэмжтэй байхыг анхааруулж байна.
Баруун аймгуудын нутгаар үүл багасна. Бусад нутгаар
үүлэрхэг. Төвийн аймгуудын ихэнх нутаг, зүүн болон говийн аймгуудын нутгийн
баруун хэсгээр бороо, дуу цахилгаантай аадар бороо орно.
Салхи төвийн аймгуудын нутгаар баруун хойноос, бусад нутгаар
баруун өмнөөс секундэд 6-11 метр, борооны өмнө түр зуур ширүүснэ.
Хангай, Хөвсгөлийн уулархаг нутаг, Завхан голын эх,
Хүрэнбэлчир орчим, Идэр, Байдраг, Эг, Үүр, Ерөө, Орхон голын хөндийгөөр 17-22
градус, Хэнтэйн уулархаг нутаг, Их нууруудын хотгор болон говийн бүс нутгийн
баруун хэсгээр 28-33 градус, говийн бүс нутгийн зүүн хэсэг, Дорнод-Дарьгангын
тал нутгаар 32-37 градус, бусад нутгаар 22-27 градус дулаан байна.
