Амралтын өдрүүдэд ихэнх нутгаар 30-34 хэм хүрч хална
МОНГОЛЫН МЭДЭЭ | БАЙГАЛЬ ОРЧИНУлаанбаатар /МОНЦАМЭ/. Амралтын өдрүүдэд ихэнх нутгаар 30-34 хэм хүрч халах төлөвтэй байна. Хамгийн халуун өдөр энэ сарын 27-нд говийн болон Орхон, Сэлэнгийн сав газраар 34-39 хэм хүрч халах тул наршихаас сэрэмжтэй байхыг анхаарууллаа.
Цаг уур орчны шинжилгээний газрын
мэдээлснээр, энэ сарын 26-нд баруун аймгуудын нутгийн хойд, төвийн аймгуудын
нутгийн баруун хойд хэсэг, зүүн аймгуудын нутгийн зарим газраар, 27-нд баруун
аймгуудын нутгийн зарим газар, төвийн аймгуудын нутгийн баруун хойд хэсгээр,
28-нд баруун болон төвийн аймгуудын ихэнх нутгаар, 29-нд төвийн аймгуудын ихэнх
нутаг, говь болон зүүн аймгуудын нутгийн
хойд хэсгээр бороо, дуу цахилгаантай аадар бороо орно.
Салхи 26-нд нутгийн баруун хагаст, 27,
28-нд зарим газраар, 29-нд нутгийн зүүн хэсгээр секундэд 15-17 метр, зарим
газраар борооны өмнө түр зуур ширүүснэ.
Алтай, Хангай, Хөвсгөлийн уулархаг нутаг,
Завхан голын эх, Хүрэнбэлчир орчим, Байдраг, Тэрэлж голын хөндийгөөр шөнөдөө
7-12 градус, өдөртөө 21-26 градус, Орхон-Сэлэнгийн сав газар, Нууруудын хөндий
болон говийн бүс нутгийн өмнөд хэсгээр шөнөдөө 21-26 градус, өдөртөө 32-37
градус, бусад нутгаар шөнөдөө 15-20 градус, өдөртөө 27-32 градус дулаан байна.
27-нд төв болон говийн аймгуудын нутгаар аагим халж, 28-29-нд нутгийн хойд
хэсгээр сэрүүснэ.