ОУХМ, ахмад тамирчин Б.Болдбаатар нийт 1250 км зам туулна
МОНГОЛЫН МЭДЭЭ | СПОРТУлаанбаатар /МОНЦАМЭ/. Орон даяар өрнөж байгаа “Дасгал хөдөлгөөн хийцгээе” сарын аяны гүйлтийн үйл ажиллагааг дэмжин хөнгөн атлетикийн ахмад тамирчин, Олон улсын хэмжээний мастер Б.Болдбаатар “Говь-Алтай-Завхан-Архангай-Улаанбаатар” чиглэлийн 1250 км замыг туулахаар энэ сарын 15-нд Жанчив баатрын талбайгаас замдаа гарчээ.
Тэрбээр энэ сарын 20-ны байдлаар Завхан аймгийн Загастайн
даваагаар давж, нийт 360 км зам гүйж Завхан аймгийн Тэлмэн сумыг өнгөрчээ.
Ташрамд сонирхуулахад, ОУХМ Б.Болдбаатар 2020 онд Говь-Алтай аймгаас Улаанбаатар хүртэлх 1040 км замыг 34 хоногт амжилттай туулж байсан. Энэ удаад нийт 1250 км зам туулж 7 дугаар сарын 10-нд Улаанбаатар хотод барианд орж ирэхээр төлөвлөжээ.