Улаанбаатар
Дархлаажуулах цэгээс олгосон зөвшөөрлийн хуудсаар "Файзер" вакцин хийж байна
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Нийслэлийн лавлагаа, мэдээллийн 1800-1200 тусгай дугаарын утсаар иргэдэд 24 цагийн турш мэдээ, мэдээлэл тасралтгүй өгч, шуурхай үйлчилж байна.
Өчигдөр буюу зургаадугаар сарын 2-нд иргэдээс нийт 361 дуудлага иржээ. Өнөөдөр Улаанбаатар хотод дархлаажуулалтын суурин 42 цэг, явуулын таван цэгт 98 багийн 541 эмч, эмнэлгийн мэргэжилтэн ажиллаж, 13 885 иргэнийг дархлаажуулахаар төлөвлөсөн.
1800-1200 тусгай дугаарт иргэдээс түгээмэл ирж байгаа асуултад хариулт өгч байна.
-Файзер вакциныг ямар хүнд хийж байгаа вэ?
-Файзер вакциныг зорилтот бүлгийн /архаг хууч өвчтэй, байнгын асаргаанд байдаг, хүндэтгэн үзэх шалтгаантай, хөхүүл хүүхэдтэй/ иргэдэд хийж байгаа.
-Файзер вакцин хийлгэхэд ямар нэгэн бичиг шаардлагатай юу?
-Иргэд тухайн дархлаажуулалтын
цэгийн эмчид үзүүлээд, зөвшөөрсөн тохиолдолд газар дээр нь зөвшөөрлийн хуудас
бөглөн, дархлаажуулалтад хамрагдана.
