Өндөрхангайд 2, аймгийн төвд нэг тохиолдол нэмэгдлээ
ОРОН НУТГИЙН МЭДЭЭ | УВСУвс /МОНЦАМЭ/. Энэ сарын 15-16-ны өдрүүдэд Өндөрхангай, Улаангом сумын голомтоос авсан ойрын болон дам хавьтал 102 сорьцод PCR шинжилгээ хийж дууссан байна. Уг шинжилгээгээр Өндөрхангай сумын 2, Улаангом сумын 1 иргэний хариу эерэг гарлаа. Ингэснээр Увс аймагт коронавирусний халдварын тохиолдол 13 болоод байна.
Халдвартай хүмүүсээс 4 нь эдгэж гэртээ гарсан бол бусад нь аймгийн Нэгдсэн эмнэлгийн Халдвартын тасагт хэвтэн эмчлүүлж байна.
Батлагдсан тохиолдлын тоо нэмэгдсэнтэй холбогдуулан аймгийн төв болон 5 суманд тогтоосон хатуу хөл хориог дахин гурав хоногоор сунгалаа.