В.Путин ерөнхийлөгчийн сонгуульд дахин нэр дэвших эрх олгосон хуульд гарын үсэг зуржээ

Дэлхийд | Улс төр
ayanzaya@montsame.gov.mn
2021-04-06 09:09:12

МОСКВА. /TASS/. ОХУ-ын Ерөнхийлөгч Владимир төрийн тэргүүний сонгуульд дахин нэр дэвших эрх олгосон хуульд  Путин гарын үсэг зуржээ. Уг баримт бичгийг хуулийн мэдээллийн албан ёсны цахим хуудаст даваа гарагт нийтэлсэн байна. 


Тус улсын Үндсэн хуульд нэмэлт өөрчлөлт оруулахын тулд хуулийн хэд хэдэн заалт боловсруулсны нэг нь Ерөнхийлөгчөөр ажиллах хугацааг хязгаарлахдаа өмнө нь хэдэн удаа ажилласныг тэглэн тооцох юм. Ингэснээр ОХУ-ын одоогийн төрийн тэргүүн сонгуульд дахин хоёр удаа өрсөлдөх эрхтэй болж буй юм.


Уг баримт бичигт зааснаар, ОХУ-д 25-аас доошгүй жил байнга оршин суусан, гадаад улс орны иргэншилгүй, иргэншилтэй байгаагүй, оршин суух зөвшөөрөл эсвэл энэ төрлийн бусад баримт бичигтэй байгаагүй 35-аас дээш насны ОХУ-ын иргэн Ерөнхийлөгчөөр сонгогдож болно.


Баримт бичигт мөн ОХУ-ын Сонгуулийн төв хорооны даргын албан тушаалыг хаших хүний ​​насны хязгаарыг тогтоосон бөгөөд энэ албан тушаалыг 30 нас хүрсэн ОХУ-ын иргэн хашиж болно гэж тусгажээ.

Холбоотой мэдээ