Сүга Ёшихидэ, Ж.Байден нарын уулзалт ирэх сарын 9-нд болж магадгүй байна
ДЭЛХИЙН МЭДЭЭ | УЛС ТӨРТОКИО.
/Yomiuri/. Японы Ерөнхий сайд Сүга Ёшихидэ, АНУ-ын Ерөнхийлөгч Жо Байден нар
Вашингтонд 4 дүгээр сарын 9-нд анх удаа уулзаж магадгүй байна.
“Yomiuri”
сонины мэдээлснээр, энэ талаарх асуудлыг хоёр улсын засгийн газрууд боловсруулж
байгаа аж. Сүга дөрөвдүгээр сарын 8-нд Японоос явж, 10-нд эх орондоо эргэн
ирэхээр төлөвлөж байна. АНУ-д хийхээр төлөвлөж буй арга хэмжээнд оролцогчдын
тоог коронавирусний халдварт өвчнөөс урьдчилан сэргийлэх зорилгоор хязгаарлах
аж.
Японы
Засгийн газрын тэргүүн Сүга Ёшихидэ АНУ-д айлчлал хийхээсээ өмнө коронавирусний
вакцин хийлгэнэ. Тэрбээр АНУ-ын Ерөнхийлөгчтэй түүний албан ёсны өргөөнд уулзсан
гадаадын анхны удирдагч болох юм.
2009
оны хоёрдугаар сард тухайн үед Японы Ерөнхий сайдын албыг хашиж байсан Таро Асо
мөн АНУ-ын 44 дэх Ерөнхийлөгч Барак Обаматай Цагаан ордонд уулзсан гадаадын
анхны удирдагч болж байв. Харин Японы Засгийн газрын тэргүүн асан Абэ Шинзо
АНУ-ын 45 дахь Ерөнхийлөгч Дональд Трамптай тангараг өргөхөөс нь өмнө Нью-Йоркт
уулзсан анхны гадаад удирдагч болж байжээ.