Хөл хорионы үед ажиллах ажилчдын шинжилгээг 6 дүүргийн 17 цэгт авч байна
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. Бүх нийтийн бэлэн байдлын зэрэгт шилжсэн энэ үед ажиллах зөвшөөрөл бүхий 14 байгууллагын ажилчид нийслэлийн 6 дүүргийн 17 цэгт PCR шинжилгээ өгөх боломжтой.
“Эдгээр цэг өдөр
бүр 9.00-17.00 цагт ажиллаж байгаа. Хүнс түгээлт, нийтийн үйлчилгээний
салбарын 26 мянган хүнийг шинжилгээнд хамруулах зорилготой. PCR шинжилгээ
одоогоор 3 хоногийн хугацаанд хүчинтэй. Тухайн байгууллагын 15 орчим хувийг
замын хөдөлгөөнд оролцуулах саналыг ЭМЯ-наас хүргүүлсэн”-ийг Эрүүл мэндийн сайд
С.Энхболд өнөөдрийн хэвлэлийн хурлын үеэр тодотголоо.
Тэрбээр, Баянзүрх
дүүрэгт гэхэд л байнгын таван цэг ажиллаж байгаа бөгөөд очиж шинжилгээ өгөхөд хүндрэл
бэрхшээл үүсэхгүйг дурдав.
Улаанбаатар хотод
“Нэг хаалга-нэг шинжилгээ” аяны хүрээнд 411 мянган өрхөөс шинжилгээ авахаас, одоогоор
200 мянган өрх хамрагдаад байгаа аж.