Улаанбаатар
“СНВ-III” гэрээг сунгах тухай хэлэлцээр хүчин төгөлдөр болжээ
ДЭЛХИЙН МЭДЭЭ | УЛС ТӨР
МОСКВА.
/TASS/. Стратегийн давшилтын зэвсэглэлийг цаашид бууруулах,
хязгаарлах арга хэмжээний талаарх гэрээг /СНВ-III/ ОХУ, АНУ сунгах тухай
хэлэлцээр зохих ноот бичиг солилцсоны дараа хүчин төгөлдөр болжээ.
“ОХУ-ын Гадаад хэргийн
яам СНВ-III гэрээг хүчин төгөлдөр хэрэгжиж эхлэхэд шаардагдах дотоод журмын
тухай ноот бичгийг АНУ-ын Элчин сайдын яамтай харилцан солилцсон. Тийнхүү гэрээ
2026 оны хоёрдугаар сарын 5-ныг хүртэл ямар нэгэн нэмэлт өөрчлөлтгүйгээр
хэрэгжих болно” хэмээн ОХУ-ын Гадаад хэргийн яамны мэдэгдэлд дурдав.
“Цөмийн том гүрэн ОХУ, АНУ-ын онцгой үүрэг хариуцлагыг харгалзан ашиг
сонирхлын тэнцвэрийг чанд барьж энэ салбарын урьдчилсан ил тод байдлын баталгаа
болсон чухал шийдвэрийг гаргалаа” хэмээн мэдэгдэлд мөн дурдсан байна.
Түүнчлэн “СНВ-III” гэрээний цаашдын хувь заяатай холбоотойгоор АНУ-ын эрх баригчидтай
ойлголцолд хүрсэн нь зэвсэглэлд хяналт тавих, үл дэлгэрүүлэх механизмыг зогсоох АНУ-ын сүүлийн жилүүдэд давамгайлах болсон хор хөнөөлтэй хандлагыг дарах
боломжийг олголоо хэмээн Оросын эрх баригчид үзжээ.
