Улаанбаатар
Нийслэлээс Төв аймаг руу зорчих иргэдийг PCR болон түргэвчилсэн шинжилгээний хариуг үндэслэн нэвтрүүлнэ
ОРОН НУТГИЙН МЭДЭЭ | ТӨВ
Төв /МОНЦАМЭ/. Төв аймгийн онцгой комиссын шуурхай штабаас ээлжит мэдээллээ хийлээ.
Тодруулбал, тус аймгийн хэмжээнд 2020 оны 12 дугаар сарын 31-ний өдрийн 06:00 цаг хүртэл өндөржүүлсэн бэлэн байдлын зэрэгт шилжүүлсэнтэй холбогдуулан Улаанбаатар хотоос ирж Зуунмод суманд ажилладаг болон Зуунмод сумаас нийслэл хотод очиж ажилладаг төрийн албан хаагчид PCR болон түргэвчилсэн шинжилгээний хариуг үндэслэн нэвтрүүлэх аж.
Харин Төв аймгаас нийслэл рүү явж байгаа иргэд асуумж бөглөн явж байгаа бол
эргээд нийслэлээс Төв аймаг руу зорчих иргэдийн PCR болон түргэвчилсэн шинжилгээний хариуг үндэслэн Өндөр довын
пост болон Дөрөвдүгээр зөрлөгийн постоор нэвтрүүлнэ. Иймээс иргэддээ сануулахад
түргэвчилсэн шинжилгээний хариу 24 цагийн дотор бол PCR шинжилгээний хариу гарснаас хойш 48 цагийн дотор зорчихыг анхааруулж байна
хэмээн аймгийн Онцгой байдлын газрын нарийн бичгийн дарга, хошууч Г.Ганхөлөг хэллээ.
