Дүүрэг, өрхийн эмнэлгүүдийг хамгаалах хувцас, хэрэгслээр хангаж байна

Монголын мэдээ | Эрүүл мэнд
bolor@montsame.mn
2020-11-20 09:18:19

Улаанбаатар /МОНЦАМЭ/. Нийслэлийн хэмжээнд коронавируст халдварын зорилтот бүлгийг шинжилгээнд хамруулах 18 төв, сайн дурын иргэд шинжилгээнд хамрагдах 86 өрхийн эрүүл мэндийн төвд нэг өдөрт 720 эмч, эмнэлгийн мэргэжилтэн ажиллаж байна.


Нийслэлийн Эрүүл мэндийн газарт хуваарилсан нөөцөөс харьяа 26 эрүүл мэндийн байгууллагад нэг удаагийн хамгаалах өмсгөл 10,7 мянга, халад 4300, бээлий 22.5 мянга, амны хаалт 27,5 мянган ширхэг, мөн сайн дурын шинжилгээ авах 86 өрхийн эрүүл мэндийн төвд дүүргийн Эрүүл мэндийн төвөөр дамжуулан нийт 2000 ширхэг хамгаалах хувцас, иж бүрдлийг нийлүүлжээ.

Холбоотой мэдээ